HISTORIA EVANGELICA

CAPUT CLXXIX: Quod fractis cruribus latronum Christus lanceatus est

#Joan. XIX

Judaei autem, ne remanerent pendentes in cruce magna die Sabbati, rogaverunt Pilatum, ut frangerentur crura eorum, et tollerentur, ne festum eorum horrore diuturni cruciatus foedaretur. Cumque milites primi fregissent crura latronum, et venissent ad Jesum invenientes eum mortuum, os non comminuerunt ex eo. Sed unus militum lancea latus ejus dextrum perforavit, et continuo exivit sanguis, et aqua, et qui lanceavit eum, ut tradunt quidam, cum fere caligassent oculi ejus, et casu tetigisset oculos sanguine ejus, clare vidit.